Afkvæmið.

Eitt af mörgu sem ég elska við afkvæmið er hvað hann hefur dásamlega sterkar og sjálfstæðar skoðanir á öllu.

Hann fann til dæmis þennan stórundarlega ,,hatt" á markaði um daginn og hefur ekki tekið hann niður síðan. Sambýlismaðurinn hefur gert ítrekaðar tilraunir til þess að sannfæra hann um hversu mikill hryllingur þetta höfuðfat er. En nei - litli þverhausinn svarar honum bara fullum hálsi: ,,pabbi mér finnst þetta flott!". 

Það verður að viðurkennast að fólk glápir örlítið á okkur þegar við göngum um með litla regnhlífarhausinn í eftirdragi. En hann hefur svör við því eins og öllu öðru: ,,fólk er bara að horfa á mig því ég er svo flottur!".