Sjúklega góð súkkulaðikaka.

Þessi kaka leynist í gömlum Gestgjafa - ég hef bakað hana margoft og hún er alltaf jafn dásamleg.

Kanil- og súkkulaðiskúffa.

240 grömm hveiti

2 teskeiðar lyftiduft

1 teskeið kanill

2 matskeiðar kakó

250 grömm sykur

2 og 1/2 dl mjólk

2 egg

150 grömm brætt smjör

Á milli:

2-3 matskeiðar sykur

1 teskeið kanill 

2 teskeiðar kakó

Hitið ofninn í 180°. Sigtið hveiti, lyftiduft, kanil og kakó í hrærivélarskál og bætið sykri út í. Hellið mjólk og eggjum í skálina og hrærið saman í sirka tvær mínútur. Hellið smjöri út í á meðan vélin gengur og blandið öllu vel saman. Setjið bökunarpappír í botninn á 20x30 cm formi og jafnið helminginn af deiginu í það. Blandið sykri, kanil og kakói saman og stráið ofan á deigið í forminu. Jafnið síðan afganginum af deiginu ofan á og bakið kökuna í miðjum ofni í 25 mínútur. 

Krem:

150 grömm flórsykur

2 matskeiðar kakó

3 matskeiðar brætt smjör

3 matskeiðar kaffi eða vatn

2 teskeiðar vanilludropar

Þið gætuð mögulega verið farin að velta því fyrir ykkur hvort barnið mitt eigi engin föt. Mig skal ekki undra. Hann er jú ber að ofan á allflestum myndum sem rata hingað inn af honum.

Einföld, fljótleg og hriiiikalega góð!