Hollar lúxuspönnukökur.

Ó, ég bjó mér til svoddan hnossgæti áðan. Bláberjapönnukökur - án sykurs, án hveitis og bara án alls sem almennt þykir baneitrað.

Ekki nema þrjú innihaldsefni:

Þroskaður banani.

Egg.

Bláber (ég notaði frosin af því ég er nánös sem splæsir ekki í fersk ber nema við sparitilefni).

Bananinn er stappaður vel og vandlega saman. Maukinu hellt í skál og egg sett saman við.

Þessu er hrært saman þangað til að mixtúran lítur svona út.

Ég notaði litla sósuausu til þess að hella ,,deiginu" á pönnuna. Pannan var smurð með kókosolíu - en það má auðvitað nota hvað sem er. Bláberjunum er síðan raðað fallega á pönnukökuna.

Þetta var algjör draumur! Síðan getur maður sett það sem hugurinn girnist á pönnukökurnar. Ég borðaði þær að vísu bara eintómar í þetta skiptið. Á hraða ljóssins. En banananir gefa svo sætt og gott bragð að það er í raun enginn þörf á einhverju aukalega.

Ekki samt vera fáviti eins og ég og þurrka í fötin ykkar á meðan bakstri stendur. Stundum efast ég um aldur minn. Það getur ekki mögulega verið að ég sé að verða 28 ára. Almáttugur.

Mæli eindregið með því að þið prófið þessa dásemd!

(Uppskriftin kemur héðan).