Geðveiki á miðvikudegi.

Ég held að það hafi einhverju slegið saman í höfðinu á mér núna. Ég er komin með yfir 60 stykki af naglalökkum í ,,körfu" á ákveðinni síðu sem ég þefaði uppi á mínu heittelskaða interneti. Þau eru ekki öll handa mér - nei, ég er ekki alveg farin yfir um. Heldur var ég að pæla í að selja þau.

Mér finnst svo óskemmtilegt naglalakksúrval á Íslandi - að minnsta kosti fyrir landsbyggðarfólk. Og yfirleitt eru þau viðbjóðslega dýr. Þessi lökk væru á milli 600-800 kr. Það kæmi ekki alveg í ljós fyrr en þau væru komin í mína vörslu. 

Þetta eru að sjálfsögðu ekki einu litirnir sem ég myndi panta. Ég geri mér grein fyrir því að það kjósa ekki allir að baða sig í glimmeri við öll tilefni líkt og undirrituð. Þetta er bara örlítið sýnishorn. Ég er einnig búin að liggja yfir því sem erlendir bloggarar hafa að segja um þessi naglalökk og þau virðast fá mjög góða einkunn hjá naglalakkssjúklingum víðsvegar um heiminn.

Ég á samt rosalega erfitt að fá mig til þess að staðfesta pöntunina. Ó well, í versta falli sit ég þá upp með 60 naglalökk - ég gæti hugsað mér margt verra en það.

Kaupa eða hlaupa?