Sörpræs!

Ef ykkur langar einhverntímann að gera eitthvað skemmtilegt fyrir vini ykkar þá mæli ég eindregið með sörpræs-afmælisveislu. Þvílík gleði!

Við vinkonurnar héldum eina slíka um helgina.

Ég verð reyndar að viðurkenna að ég var bara almennt ákaflega hamingjusöm þennan laugardag. Jólafrí, ástæða til þess að smella á sig glimmeri og drekka hvítvín - góð gleðiblanda.

Veitingarnar sem við vorum búnar að leggja á borð heima hjá afmælisbarninu áður en hún kom heim úr vinnu.

Við vorum auðvitað að kafna úr spennu áður en afmælisbarnið kom heim. Búnar að fela okkur inni í eldhúsi og tilbúnar að stökkva á hana. Ég er dálítið eins og gömul kennslukona á þessari mynd. Ég var tilneydd til þess að halda bara á grímunni sökum höfuðstærðar.

Afmælisstelpan búin að ná sér yfir mesta sjokkið. Það má segja að hún hafi fengið smávegis áfall við að finna fimm grímuklæddar konur inni í eldhúsi hjá sér. 

Ég var svo hrifin af þessum glitrandi leggingsbuxum að ég varð að smella mynd af þeim. Þetta eru fæturnar á afmælisbarninu og ef minnið er ekki að bregðast mér þá keypti hún þær hér.

Ég kynntist þessum þetta örlagaríka laugardagskvöld. Með okkur tókst mikill vinskapur. Sem hafði hörmulegar afleiðingar í för með sér. Það er nokkuð öruggt að fullyrða að sunnudagurinn var alls ekki jafn gleðilegur og kvöldið á undan.

Það var mikill hressleiki - aðeins of langt fram á nótt.

Stjörnublys til heiðurs afmælisÞórdísi á miðnætti.

Ótrúlega vel heppnað kvöld - sörpræsveislur frá mín meðmæli.