Síðustu furðulegheitin.

Ég lofa.

Þetta verður í síðasta skipti sem ég skrifa um einhverskonar furðulegar framkvæmdir sem innihalda súkkulaði. Hvort sem það er hvítt eða dökkt. Ég skal bara borða súkkulaði eins og eðlilegt fólk gerir héðan í frá. Eða þegar þessari færslu lýkur. Lofa.

Já þetta er mögulega dálítið undarlegt. En gott var það. Mjög gott.

Það eina sem þarf eru fáeinir Rolomolar og Ritzkex. 

Við röðum einu Roloi ofan á hvert kex. Hendum þessu inn í 175° heitan ofn í 3-5 mínútur.

Um leið og platan er tekin út úr ofninum pressum við öðru kexi ofan á súkkulaðið. Þessu er svo leyft að kólna aðeins. Eins lengi og þolinmæðin leyfir.

Já ég leyfði þessu ekkert að kólna neitt alltof lengi.

Þetta borðaði ég í kvöldmat. Ég drakk líka Pepsi (max sko) með sem er búið að vera opið inni í ísskáp í allavega eina og hálfa viku. Já. 

Dæmið að vild.

Heyrumst.