LakkaLakk.

Ég var mjög kátur internetshopaholic þegar ég fékk jakka frá Lakkalakk í síðustu viku.

Ótrúlega flottur. Kostaði ekki nema 5000 krónur - sem er gjöf en ekki gjald! LakkaLakk sendir líka frítt út um allt land sem er stór plús í kladdann.

Ég hefði samt mátt sýna smá fyrirhyggju og hugsa til þess að Gummi á úlpu í sama stíl. Við erum ekkert sérlega töff þegar við erum í þessu samtímis. Lítum helst út fyrir að vera á leið á hreindýraveiðar. Og nei ég er ekki ólétt - þó þessi mynd virðist gefa annað til kynna.

Almáttugur. Ég ætlaði að taka mér fimm mínútna lærdómspásu áðan sem endaði í klukkutímalöngu naglalakksföndri. Ég er stundum með athyglisbrest á háu stigi. Ég minni einna helst á Phil Dunphy úr Modern Family. 

En naglalakksföndrinu stal ég hérna. Mjög flott síða með talsvert flottara föndri en mínir titrandi hlussuputtar geta framkvæmt.