V I L A - í tilefni afmælis.

Í dag eru tvö ár síðan ég skrifaði mína fyrstu bloggfærslu. Hún leit svona út:

Þetta skrifaði ég þann 28.október 2012. Færslan fékk þó ekki að flakka á internetið fyrr en 3.nóvember. Að vel ofhugsuðu máli. 

Ég hef svo oft reynt að lýsa því hversu þakklát ég er fyrir það að þið gefið ykkur tíma til þess að staldra hérna við. Eða brosa til mín úti í búð. Eða gefa ykkur á tal við mig á förnum vegi. Eða stökkva á mig í ölæði á laugardagskvöldi. 

Þakklæti mínu verður bara ekkert lýst svo auðveldlega. Og ég nenni ekki að vera væmin núna. Látum það bara eiga sig. Ef ég væri á fjórða glasi myndi ég segjast elska ykkur öll. En ég er því miður ekki í glasi. Aldrei slíku vant.

Nóg um það.

Í tilefni 2 ára bloggafmælis langar mig að gleðja tvo lesendur með 10.000 króna gjafabréfi í VILA. Mest langar mig að hirða þau sjálf. En þið vitið - sælla er að gefa en þiggja og allt það þvaður.

Ég er fastagestur í VILA. Svona fyrstu dagana eftir mánaðarmót. 

Ég vænti þess að þið séuð hvað flest að fylgja VILA á Facebook. Ef ekki þá er gráupplagt að smella í eitt læk eða svo. Að því búnu megið þið endilega skilja eftir comment hérna fyrir neðan færsluna. Sem inniheldur nafn og tölvupóstfang. Ef það virkar ekki þá getið þið skilið eftir línu á Facebook og ég set ykkur inn.

Tvö gjafabréf. 10.000 krónur. Það slær enginn höndinni á móti því.

Heyrumst.