Nei ég fór ekki í ræktina í dag. Þegar ég ætlaði að fara að græja mig í morgun komst ég að því að I-podinn var batteríslaus. Ó hvílíkt svekkelsi. Þar sem ég meika engan veginn að þurfa að spjalla við fólk í ræktinni eða hlusta á samfarahljóðin sem sumir gefa frá sér við minnstu áreynslu þá tók ég þá ákvörðun að geyma ræktina þangað til á morgun. Á morgun segir sá lati, ó já.

Hinsvegar brá ég á það ráð að fá mér göngutúr í staðinn. Þannig að ég fæ plús fyrir viðleitni.

Gamlar konur eins og ég fara nú ekki út í hálkuna án mannbrodda. Maður vill nú ekki mjaðmabrotna eða eitthvað þaðan af verra.

Reyðarfjörður skartaði sínu fegursta þennan morguninn. 

Eftir-göngutúrssnarl. Ég elska, elska og eeeelska hnetusmjör. Eins og þessi mynd gefur augljóslega til kynna. Verst að það er ekkert svakalega hollt þegar maður étur hálfa krukku í hvert skipti.