Halló jólafrí!

Ég ætla að heilsa upp á nokkra gamla vini í kvöld.

Oft var þörf en nú er nauðsyn. Ég hef ekki átt samskipti við þessi tvö í heilar tvær vikur. Ástandið er líka orðið hörmung. Ég gleymdi að vísu að skella plokkaranum inn á myndina. En hann verður að sjálfsögðu brúkaður líka - enda lít ég út eins og það búi tveir loðnir kettir fyrir ofan augun á mér.

Ókei. Við höfum reyndar ekki verið aðskilin mjög lengi. En ég saknaði þeirra samt í dag. Yfirleitt líður ekki sá dagur sem ég handfjatla naglalökkin mín ekki aðeins. Ó ég hlakka til að velja mér liti og dunda mér án þess að vera við það að æla úr lærdómssamviskubiti.

Fara úr kósýgallanum og brenna hann á björtu báli! Ég sver það, ég held ég hafi varla klætt mig síðan í september. Eina sem ég aðhefst utan heimilisins er að sækja soninn á leikskólann. Ég er nokkuð viss um að starfsfólkið þar heldur að ég búi neðanjarðar.

Well, hello there! Alltof langt síðan ég hef notið ásta með rauðvísflösku. Óóó hvað ég hlakka til að hella mér í glas, horfa út í loftið og hugsa um nákvæmlega ekki NEITT! 

Það er eitt gott kvöld framundan, ó já!