Yogi Christmas Collection.

Ég skammast mín eiginlega fyrir það að vera að fara að blogga um te í annað sinn. Í annað sinn á tveimur dögum meira að segja. Mér finnst eins og ég sé að halda framhjá kaffi með þessari tedrykkju. Ég er nefnilega gallharður kaffinagli, höfum það á hreinu. Ég er bara satt best að segja að verða komin með magasár. Ég drekk nefnilega ekki kaffi heldur ÞAMBA það. Bolla eftir bolla. Á hraða ljóssins.

Þannig að þessi pakki kom með mér heim úr búðinni í dag:

Jólalegur og skemmtilegur. Ilmurinn upp úr honum er líka dásemdin ein. Svona kanilkennd jólalykt. 

Ofan í kassanum bíður manns svo hellings úrval - og litagleði fyrir augað.

Þetta er í bollanum í þessum skrifuðu orðum. Ég væri að ljúga ef ég segði að þetta fullnægði mér jafnmikið og góður kaffibolli. En þó - ég er tilbúin að gefa tedrykkju sjéns. Sjáum hvað setur.