Mánudagsmarkmið.

Mánudagar þurfa ekki alltaf að vera ömurlegir og ógeðslega leiðinlegir. Það má líta á mánudaga sem upphaf að einhverju nýju. Ný vika, ný tækifæri og ný markmið.

Já, ég skal læra að elska mánudaga. Málið er bara að girða sig í brók og taka fagnandi á móti vikunni.

Mitt markmið fyrir þessa viku er að klæða mig á hverjum degi. Ég geri ráð fyrir að þetta hljómi ekki mjög háleitt markmið í ykkar bókum.

Það er bara svo fjári gott að dröslast um á náttbuxunum allan daginn. Ó, almáttugur. Svo ég tali nú ekki um þegar maður leyfir sér að þvælast um brjóstahaldaralaus í risastórum bol líka. Þá eru sko jólin.

Það er mjög líklegt að ég hafi búið í hjólhýsi í fyrralífi, já.

Ég er ekki einhver rúmliggjandi sjúklingur sem klæðir sig aldrei. Nei, ástandið er ekki alveg svo slæmt. Ég sit bara og læri allan daginn. Og mér finnst vont að læra í fötum. Eða þið vitið, eðlilegum fötum. Það er best að læra á náttfötunum.

En það mun ei eiga sér stað meir.

Búin að klæða mig, búin að taka speglamynd - og það fyrir hádegi!

Áfram ég og áfram mánudagar!