Guðdómlegt nachos.

Ég er mikill nachosaðdáandi. Hugsanlega myndi ég borða að minnsta kosti einn skammt af þessu á dag ef rassinn á mér væri ekki þeim hæfileikum gæddur að stækka á ljóshraða.

Nachos:

Tortillaflögur

Salsasósa

Yfirgengilegt magn af osti

Ferskt chilli

Tortillaflögunum er púslað í botninn á eldföstu móti. Fullt af osti yfir. Meira af flögum. Meiri ostur. Þið náið heildarmyndinni vænti ég. Síðan má skvetta salsasósu hingað og þangað. Að því loknu er þessu skellt í ofninn á 180° í tæplega korter.

Nachosið er borið fram að sýrðum rjóma, salsasósu og guacamole. 

Þetta var verulega gott. Óhollt já - samt hollt fyrir sálina.