Yfir kaffibollanum.

Mér finnst ákaflega notalegt að eiga morgunstund með sjálfri mér, drekka gott kaffi og rúlla yfir bloggin sem eru í uppáhaldi hjá mér. Þau eru þónokkur - þessi listi minn tekur breytingum í sífellu og gæti verið mun lengri. En þetta eru bloggin sem ég skoða hvað helst þessa dagana:

ShoeJungle - blogg sem hefur verið í bookmarks hjá mér lengi. Tíska og skór. Og meiri skór. Ég engist stundum um af öfundsýki þegar ég skoða þetta blogg.

Ástríður - einstaklega fallegt blogg. Fullt af innblæstri á öllum sviðum.

VeniVidiVisa - kaupsjúkar kokteiláhugakonur. Blogg að mínu skapi.

Heiðrún Hödd - draumaveröld fyrir fagurkera. Stútfullt af fallegum myndum, uppskriftum og innblæstri.

Hrefna Dan - töff týpa sem á ótrúlegt magn af flottum fötum.

Feel Inspired - falleg heimili og hönnun. Stundum græt ég yfir þessu bloggi og langar helst til þess að kveikja í ljóta húsinu mínu.

Trendnet - hver skoðar það ekki?

Ég skoða svo auðvitað falleg matarblogg eins og Evu Laufey, Ljúfmeti og Eldhússögur. Það eru alveg nokkur kíló utan á mér sem ég á þessum bloggum að þakka.

Eru einhver íslensk blogg þarna úti sem þið mælið eindregið með? Fyrir utan mitt blogg auðvitað.