Mér er orða vant. Það er sjaldgæft. Svo afar sjaldgæft.
Þessi kaka sko.
Ekkert vesen. Ég nenni ekki að sigta hveiti eða vigta sykur. Alveg alls ekki.
Brownie með Marsfyllingu:
1 pakki Betty Crocker Brownie Mix
6 Marsstykki
Skerum Marsstykkin í tvennt. Það sleppur að lauma einum helming upp í sig. Ég ábyrgist það.
Útbúum kökudeigið samkvæmt leiðbeiningum á pakka.
Setjum bökunarpappír í meðalstórt eldfast mót og helminginn af kökudeiginu þar ofan í.
Komum Marsbitunum gaumgæfilega fyrir.
Afganginum af deiginu er að lokum smurt vandlega yfir.
Inn í ofn á 180° í 40-50 mínútur.
Svona, nákvæmlega svona, lítur himnaríki út.
Yndislega blaut súkkulaðisæla löðrandi í mjúkri karamellu. Ég legg ekki meira á ykkur.
Eigið góða helgi mín kæru.
Heyrumst fljótlega.
Nei nú fórstu alveg með það! JÖMM! P.S. Hvenær verður hægt að horfa á þættina þína á isTV.is? Ég missti af síðasta þætti og er alveg miður mín!
ReplyDeleteOh, vonandi sem allra allra fyrst!
DeleteEr timinn alveg rettur? Aftan a kassanum er 20 min.. þarf marsið svona mikið?
ReplyDeleteÞað fer dálítið eftir eldfasta mótinu sem þú notar. Mitt var í minna lagi og þess vegna var kakan mjög þykk. Best er bara að nýtast við trixið að stinga prjón í miðja kökuna.
DeleteVinkona mín bakaði svona í dag og ó guð þetta er svoooo gott! Hún lét mars í annan helminginn en þrist í hinn - bæði betra!
ReplyDeletekv. þessi sem hefur ekki lyst á kvöldmat eftir óhóflegt kökuát.
Ég spái alltaf hvort miða sé við undir og yfirhita eða blástur :)
ReplyDeleteSama hér Sólrún. Gætirðu upplýst okkur Guðrún Veiga?
ReplyDeleteHmm. Ehh, Ég kveiki bara á ofninum og set á 180°. Undir, yfir - ég játa mína gríðarlegu fáfræði. Ég á samt ekki blástursofn. Svo mikið veit ég.
Delete