Kósýpeysur.

Ég er mikil kósýpeysukona. Sérstaklega yfir veturinn þegar ég eyði megninu af deginum gaddfreðin inn að beini. Með árunum hef ég komist að þeirri niðurstöðu að líkamsfita heldur ekki á manni hita - það hefur þó samt ekki hindrað mig í að safna henni annað slagið.

Hér má sjá glitta í peysu sem ég keypti mér um daginn. Ég pantaði hana héðan. Þessi búð er á Eskifirði og fær að sjálfsögðu stóran plús fyrir að senda frítt út um allt land. Ég fæ að vísu stóran mínus fyrir að panta peysuna gegnum netið og láta senda mér hana heila 14 kílómetra hingað inn á Reyðarfjörð. 

Ég er pínulítið peysuóð þessa dagana, já.