Glingurgeymsla.

Ég vistaði þessa mynd á einhverju netflakki einhverntíman. En ég get ómögulega munað hvar ég fann hana.

Mér finnst þessar vínflöskur agalega skemmtileg hugmynd. Ég er mikill vínflöskuaðdáandi. Sérstaklega þegar þær eru fullar af víni sem bíður eftir að ég drekki það. 

Ég fann mig knúna til þess að reyna að apa eftir þessari hugmynd.

Ekki alveg jafn fallegt. Aðallega sökum þessara hörmulegu veggflísa sem prýða klósettveggina mína. Ég á heldur engan Chanel poka til þess að skreyta með. Ég kem nú líklega ekki til með að eignast einn slíkan í nánustu framtíð. Nema að ég steli honum einhversstaðar.

Engu að síður er þetta hin fínasta geymsla. Það má hlaða alveg helling á þetta. Ég hugsa að það gæti samt verið flottara að mála eða spreyja flöskurnar í einhverjum lit. Kannski hvítar. Jafnvel gull- eða silfurlitaðar. Eða bara smyrja þær með lími og dýfa þeim í glimmer.