Fimm hlutir á fimmtudegi

Í Hagkaup með ykkur. Einn, tveir og bæng. Ég greip þessar kökur með mér þaðan um síðustu helgi. Þær blöstu við mér á leið minni á nammibarinn. Hvísluðu nafn mitt. Svo afar blíðlega. Vildu koma með mér heim. Þiggja frá mér munngælur. Djók. Eða svona já. Næstum.

Að stinga tungunni í þessa karamellu. Almáttugur minn. Kremið. Unaðslega mjúk kakan. Já, vel rotvarnarefnafyllt og fín. Þér stendur þó alveg á sama um leið og hún fer inn fyrir varirnar. Langar bara að baða þig í rotvarnarefnum og karamellu um ókomna tíð. 

Vanillubollakaka með saltaðri karamellu. Ó, boj. Eins og að giftast Bubba. Eða Gordon Ramsay. 

Hvernig get ég talað svona mikið um mat? Ó, ég veit það ekki. Hef engin svör á reiðum höndum. Þessi brauð eru bara svo stórfengleg sko. Hrikalega góð með mat. Dásamlega djúsí. Stökk en samt blaut. Mjúk og bragðmikil. Þau fást í Bónus. Kosta fáeinar krónur. Að mig minnir. 

Ferlega gott að hlussa í sig einum hleif og hálfri rauðvínsflösku. Ef þannig liggur á manni.

Ég hef loksins fundið gerviaugnhár sem ég get límt á mig sjálf. Án stórslysa. Án þess að ég lími saman á mér augun. Og alla puttana. Og lími helminginn af hárinu á mér við ennið. Og sturlist svo gjörsamlega. Rífi niður sturtutjaldið. Og brjóti baðherbergisspegilinn. 

Nei, þeir dagar eru liðnir. Sambýlismönnum mínum til mikillar gleði. Þessi hálfu augnhár fara bara á endann á augnlokinu. Ef svo má að orði komast. Ekkert mál að klína þeim á. Og þau gera alveg jafn mikið fyrir augun og gerviaugnhár í fullri lengd. 

Andskotinn. Aðeins meira af mat. Þetta er bara svo skrambi mikil snilld. Fylltar hrökkbrauðssamlokur frá Wasa. Smurðar með einhverju afar ljúffengu. Giska á rjómaost - en hef þó ekki hugmynd. Það er hægt að fá fleiri bragðtegundir. 

Snilldin fæst í MegaStore. Kostar 339 krónur. Þrír pakkar. Stórkostlegt að luma á einum svona í töskunni yfir daginn. Stórkostlegt segi ég. 

Hérna er brot af minni ljómandi fínu fjölskyldu. Við erum stödd í sumarbústað á Flúðum. Södd og sæl. Svo ógeðslega ógeðslega södd. Skelfilega. 

Skírdagur er ekki einu sinni búin. Fjórir dagar eftir af áti. Eða eiginlega fimm. Maður notar þriðjudaginn auðvitað í að éta sig aðeins niður. Þið vitið. Rennir sér ekkert blint í eitthvað detox neitt. Nóbb. Aldrei.

Þið finnið mig á bæði Instagram og Snapchat  - gveiga85

Heyrumst.